Impfdosen

Bis edsd gibd’ses ja bei uns no goor nedd, obber es wern scho in der gansn Weld Millioner vo Imbfdosen gecher des Corona kaffd.

Nadierli hoff i, dass die dann echd helfn und dass ah i bald anne dervo grich,

obber i mach mer doderbei fei vill Sorgn wecher der Umweld:

Wenn dann a boor Millioner Leid geimbfd sinn, wern dann nedd überohl

die leeren Dosn rumlieng, odder hamm’s ah a Imbf-Dosnbfand ausgmachd?

24.November 2020

Neue USA-Regierung

Scheinds hodd ah der Trump middlerweiln doch  endlich eigsehn, dass er si widder amohl a neie Wohnung suchn und umdsiehn muss.

Die Frooch is hald bloß, ob mer’n gressdn Bräsidendn aller Dseidn wergli einfach suh foddschiggn sollerd,

odder ob nern der Biden nedd doch in seiner Mannschafd brauchn kennerd.

Iech konn mier do scho a boor Bereiche vuurschdelln, fier die der Trump bassn däd, wey die Fausd aff’s Auge:

Minisder fier Höflichkeid und rüggsichdsvollen Umgang, dsum Beischbill, odder fier Wohrheid und gebrüfde Faggdn in sodsiale Nedswerge,

odder fier weldweide Völgerverschdändigung, Endwigglungshilfe und Flüchdlingsbolligigg,

odder nadierli vuur allem als Egsberde fier a wirgsame Corona-Bekämbfung!

Also, iech däd nedd suh einfach aff dem seine bsondern Kombedendsn verdsichdn!

24.November 2020