Mehr Freiheit!

Iech hobb wo glesn* – hoffentlich wor’s nedd in suh anner Lügenbresse – dass si edsd a neie Grubbierung dsammdohn hodd,

die si suh massive Einschrängunger vo ihrer Freiheid nimmer gfalln lassn wolln.

Die nenner si „Querlenker“ und die wolln si nimmer an Verkehrsregln haldn,

wall ja goor nedd bewiesn is, dass dodermidd wenicher Leid schderm.

Si mahner, es muss hald a jeder selber besser aufbassn.

Am Sunndooch solln alle Querlenker midd ihre Audos dsu anner Demo nooch Berlin fohrn under dem Moddo:

„Wech midd der Schdrassnverkehrsordnungsdigdadur!“

Underwechs wolln‘s an kanner rodn Ambl schdobbn, und scho glei goor kanne Gschwindichkeidsbegrendsung eihaldn.

Wos‘ machen wolln, wenn’s aff a Querdenker-Demo dreffn, hamm’s no nedd endschiedn.

Miech wunderd suh a Bewechung fei nedd; iech merg ja seid a boor Johr, dass scho lang vill Leid gibbd,

die aus Brodesd gecher die bleydn Verkehrsregeln dodahl es Blingn eigschdelld hamm.